يـــــــ نقطه ــــــــاســـــــر التويجــــــــــ التفتيش ــــــــــري..غيروها سياسه

[شوقي لها]

ينام الزيف بظلال الحقايق محتسي بفراش = صنعه اللي قدر يتقن مداخل لعبة التشويش
مثل كذبه عماير بوش وبندق عمهم منقاش=يدز الناس للتفجير ويسأل من وراه وليش
تقوم الناس تتسائل وتنجح خطه الأحواش = ويبدا الشك في دارك وتنصب نقطة التفتيش
بعد هذا يجيك اللي حياته ابتدت من لاش = قضى عمره ورا لميا يحط بكفها تنقيش
يقول اللي ورا الارهاب وفجر عندنا وانحاش=مطوع لحيته كذبه تعلم بالقصيم الطيش
عساك وربي الاعلى تموت بغرفه الانعاش = وقبل ماتموت من ربي يحرمك لقمتك من عيش
تبي عود(ن) قضى عمره بروضة مسجده معتاش= يشيل الدقن لعيونك ويأمن منكم التخديش
ألا تكرم لحاهم ولو يرابط فوقها نتاش = وألا تكرم لحاهم ولو تقولون الكلام لويش
هم أكثر ناس يقومو ضد اللي يقوم وفي يديه كلاش=وهم أكثر ناس لو قامو يقومو.. ولايقوم الجيش
يمر الوقت وينور على الدنيا شعاع فلاش = ويكسب مرضي(ن) ربه ويخسر مرضي التطنيش
نشوف وما تعلمنا ومازلنا نعد أوباش = بعين الكلب ابن الكلب راعي الكلب ذاك بويش
وسلامـــــــ منقول ـــــــتكم
المصدر
http://www.qassimy.com/w7a/images/yaser.jpg

[الفارس]

قصيده رائعه للشاعر ياسر التويجري

صح لساعه وسلمت يديك على النقل

والاختيار

[راضي]

يعطيك العافية

على الصقيدة

[شخبوط]

شاعر مميز


اسلوبه مميز



والله تسلم يديك يا الغالي علي الابداع


يعطيك العافيه

[شوقي لها]

الفارس

هلا بك والله ياهلا

وصح بدنك ولا هنت على المرور الطيب

لك خالص الود والاحترام

أخوك
شوقي لها

[شوقي لها]

راضي

مرااااحب براضي ومسهلا وأهلين

شاكر مرورك الندي يابعدي

لاخلا ولا عدم انشالله

شوقي لها

[شوقي لها]

شخـــــــ أبو الشخابيط ـــــــــوط

تسلم يالغالي على المرور الكريم والحضور المشرق

لك كل التحيات والود ولك أجمل سلام

[تذكار]

.. شـوقـيـ، لها ..

صحـ، لسانهـ، الشاعر التويجريـ، ..

قصائدهـ، تعجبنيـ، فيها حماسـ، وخصوصا يومـ، يلقيها إلقاء ..

تسلمـ، يمينكـ، على ما اخترتـ، اخـويـ، ..

ولكـ، منـيـ، أصدقـ، وديـ، وتقديريـ، ,,

[شوقي لها]

تذكار

مشكوره ولا هنت ياسلام عيلك وعلى ذوقك وجهودك

تقبلي كل احترام وتقدير ودمت ودام عطرك بهمس القوافي