الـــــــوداع

[ااالغامض000وحيد]

قصـــــــــــيدة للشاعر رشيد الفريدي


حـان الـوداع ولابقـى للعتـب دور
الله لنـا وفجـوج ربـك وسـاعـي
دام الزمالة ماهي احسـاس وشعـور
ماللزمالـة بعـد هالـيـوم داعــي
قلبي على المقفيـن ماهـو بمقهـور
من بـاع للعشـرة مصيـره يباعـي
لا تعتـذر مـادام صاحبـك مسـرور
اللي علـى شانـه بذلـت المساعـي
يبقى رفيقك وانـت بالفعـل معـذور
يمشي على ماقلـت وامـرك مطاعـي
دامه علـى ماقيـل منهـي ومامـور
بدري علـى شـرواك لويـة ذراعـي
فنجالك اللي سقت مـن يـدك منثـور
لاصـار منتـه للزمـالـه مـراعـي
من يخـدم الانـذال ماهـو بمشكـور
ومن يزرع الصبخا جـداه الضياعـي
تـوّي لقيـت لعلّـه النـذل دكـتـور
البعد عـن شوفـه يزيـل الصداعـي
مافيه داعـي ينفضـح كـل مستـور
عيني تشوف الدرب والقلـب واعـي
نور الحقيقـة بـان والعلـم مخبـور
شفت السباع وشفـت روس الأفاعـي
ما كنت اصدق فيك ياضايـع الشـور
دايـم وانـا دونـك مكثّـف دفاعـي
افلح ... قبل يضربك رمحي على الزور
والحـق خويـك ياحليـب المراعـي
عين بكت فرقاك تحـرم مـن النـور
لاتنتظـر بعـد الـوداع اجتمـاعـي

نســــــــــــــــــــــ ـــخ
محبـــــــــــــــــــكم ااالغامض000وحيد

[شوقي لها]

الغامض الوحيد

يعطيك العافيه ومشكور على نقل الموضوع الرائع والمميز


تقبل مروري ولك أغلى تحيه وأعذب سلام

دمت بكل ود واحترام أخوك

شوقي لها

[برنس الابعاد]

مشكور اخوي الغامض...وحيد

تحياتي برنس الابعاد

[البراق]

تسلم الغامض قلم كبير

[شخبوط]

حـان الـوداع ولابقـى للعتـب دور
الله لنـا وفجـوج ربـك وسـاعـي
دام الزمالة ماهي احسـاس وشعـور
ماللزمالـة بعـد هالـيـوم داعــي


تسلم والله يديك يا الغالي وقصيده قويه وجميله

تبين في كلماته معاني كبيره جداااا


يعطيك العافيه

[الجوري]

الله لا يجيب لحظه وداع ولا دموع ولا فراق
تسلم اخوي الغامض على هاذا الموظوع الجميل يعطيك ربي العافيه

[ااالغامض000وحيد]

شوقي لها
برنس ابعاد
البراق
شخبوط
الجوري
كلي شكر وعرفان لكلماتكم واطرائاتكم الرائعه التي عطرتم بها المشاركه فلكل واحدا منكم قبله وفاء واخاء وموده على جبينه ودمتم يا اغلى الناس بخير وعافيه