قصة زواج غريبة .. لا تطوفكم (؛

[soOokar]

السلام عليكم ؛

شلونكم يا أحلى أعضاء ..


عندي لكم قصة طريفة قريتها بأحد المنتديات وبصراحه اعجبتني وضحكت عليها .. (؛

فحبيت أنقلها لكم .. وهي قصة حقيقية !!

زواج بنت ..

هذي البنت سلمكم الله عندها خوات أكبر منها وأصغر منها وهي توها متخرجه من الثانوية

و ماعندهم خدامة بالبيت كل يوم الدور على وحدة من البنات تطبخ وبعدين ترمي الزبالة عند

الباب المهم يا دورهالبنت اللي أتكلم عنها كانت سهرانة مع خواتها إلين الساعة 2الصبح

وبعدها خواتها راحوا ينامون فوق.. وهي قعدت تنظف المطبخ وعقب ما خلصت قامت وطلعت

الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة

أحسن .. وطلعت بره بالشارع وكان الشارع فاضي و الساعة حوالي ثلاث ونص

المهـــــــــــــم ..

يوم يت تقط الزبالة سكر باب بيتهم (: وقعدت المسكينه بالشارع...فكرت ترن

الجرس خافت أبوها يهاوشها ويسوي ليها شي ( لأن أبوها عصبي)... وهي بالشارع

بهدوم البيت ..المهم سمعت صوت يقرب منها .. صوت سيارة !!

من الخوف والفشلة قامت مسكت الزبالة وقلبتها ودخلت داخلها (؛

وطلع إلي بالسيارة ولد ييرانهم .. !!

كان توه ياي من الديوانية..المهــم يا ولد الييران وقف السيارة وطلع المفتاح علشان بيدخل

للبيت إلا يسمع صوت يتحرك بالزبالة !!

وأستغرب إن الزبالة مقلوبة قام وقرب منها... ويا بيرفع الزبالة ويا زينها (؛

إلا صرخت وقالت : لالالالا.قال : بسم الله الرحمن الرحيم..أنتي إنس ولا جن !!

قالت : إنس .. قال : إنتي شنو إلي يابج إهني ؟؟

وقالت له القصة وهي متغطية بالزبالة وترجت ولد ييرانهم يساعدها

قال خلاص لاتخافين .. قام قرب سيارته من باب البيت وركب فوق السيارة ونقز

وفتح للبنت الباب.. وقالها : دخلي بسرعة لاحد يشوفك

قامت مسكينة ماصدقت رمت الزبالة.. وطلعت جدام ولد ييرانهم ودخلت البيت وقفلت الباب

على طووول...وولد الييران واقف ماتحرك يطالعها !!

المهم. مامر على هالسالفة يومين إلا يا وخطبها من أبوها وتزوجها .. (:

لوووووووووووووووول والله قصة زواج غريبة وعلى فكرة ترى هذي السالفة حقيقية

وحصلت بالفعل ..


لكن بنات ديروا بالكم ترى مو كل مرة تسلم الجرة .. لا تفكرون تقلدونها (؛





** وتقبلوا مني أرق تحية **

[عاسف الخيل]

هههههههههههههاااااي..... ......الله يعينها..........بس سبحان الله رزقها .......بفضل حيائها

وعلى قولتك سكر موب كل مره تسلم الجره........ذكرتني قصتك بقصه غريبه ذكرها لي احد الاصدقاء ممن يعرفون اصحاب القصه اللي راح اتكلم عنها.......هذا بعد اذنك ..سكر .. طبعا

القصه هذي تتحدث عن صديقين حميمين وفي نفس الوقت زملاء عمل......المهم في احد الايام.....ذهب الصديق (ص) الى البيت ولقى اهله يقولون حنا بنطلع للبر.بنسوي رحله بريه (كشته )...المهم الاخ (ص) ماصدق خبر قال ماراح اروح معاكم اليوم انا ناوي اطلع مع الشباب تمشيه......

طبعا مشى الاخ (ص) وهو مايدري وش السالفه.........اهله راحو ماراحو المهم انه متاكد انهم بيطلعون........

راح الاخو (ص) الى ربعه ولقاهم سبقوه .الا وهذا خويه جالس ماله نفس يروح معاهم .المهم قالو بنقلب الشغله تمشيه بالشوارع يعني تسكع يعني (دوجه)

المهم من كثر ما داجو ملو من الفر قال صاد لخويه......ياولد خلنا نروح للبيت اهلي موب فيه .وش رايك نروح نشغل التلفزيون ونقلب في المحطات الفضائيه ..ونجلس في مكان هادي عن ازعاج البواري .وهي يطلق عليها (هرنات )في دول الخليج.وبالعربي بوق السياره ........المهم ايه لا ياولد خلنا.تكفى اخاف نلقى احد .تدري مشينا .ومشو الربع للبيت .................وسوالف بالسكه او الطريق ..المهم وصلو البيت..عطى انت يا (ص) المفتاح لصديقه وقاله افتح البيت وادخل او دش على المجلس.مافي احد بالبيت ......المهم الرجال فتح الباب ودخل المجلس الا والصوت داخل وكان فيه احد المهم حاول يفتح الباب بالقوه قال في نفسه يمكن يكون احد حرامي داخل بيسرق في بيت صديقي..مسوي فيها...المهم بالقوه فتح الباب الا والبنت اللي من وراه في وضع ماتحسد عليه اي بنت مرررره.........نزل عينه تحت الشاب والبنت لمت اشغالها ودخلت داخل............!


تدرون من طلعت البنت طلعت اخت الاخ (ص)ماراحت مع اهلها للبر وقالت بجلس اذاكر في البيت وقالت بما ان البيت مافيه احد طرى عليها انها تدقها ترويشه او تستحم في قسم الرجال.................. اما عليهن حركات هالبنات ..........المهم يوم سمعت الباب ينفتح جت تنحاش او تخبي نفسها افتكرت انه اخوها وماتبيه يشوفها كذا قالت مالي الا المجلس مادرت انها بتتورط فيه.........والله يعين البنات الحياء حلو فيهن بس يحرجهن وايد او واجد ...........


المهم الاخ (ص) يوم جاء خويه علمه بالسالفه .........وجلس يهون عليه الاخ (ص) ان ماصار الا الزين المهم جلسو شوي وطلع صديق الاخ (ص) وكلم ابوه وعلمه بالسالفه واليوم الثاني وهو خاطب البنت والحين هي زوجته

بس على قول سكر .انتبهو يابنات موب كل مره تسلم الجره


ويسلمو سكر على القصه الرائعه


عاسف الخيل

[soOokar]

لووووووووووووووووووووووو وووووووووووووووووووووووو وووووووول

لووووووووووووووووووووووو وووووول

لووووووووووووووووووووووو وووووووووووووووووووووووو ل


الصراحة موقف ما أتمنى أكون فيه كلش (:

يسلمووووووووو عاسف على القصة الحلوة .. ولو عادي إخذ راحتك (:

ومشكوووووور على مرورك المميز وإلي أسعدني وايد ويعطيك العافية يارب (:

[عضو محذوف]

هههههههههههههههه



يعطيك العافية

[soOokar]

الله يعافيك أخوي زماااان الورد .. ومشكووور على مرورك ومشاركتك نورت الموضوع (:

[آبعــآد]

يسلمووووووووووووووو عاسف ويسلمو سكر ........................ ................ مباره حلوه وفازت سعيدات الحظ بالتوفيق ان شالله وبنظتار جديدكم

ويسلموووووووووووووووووو مره اخرى

[soOokar]

الله يسلمك أخوي أبعاد .. أسعدني مرورك (:

[اسيـ الشوق ــوق]

مشكور اخوي سكر على القصه ومشكور اخوي عاسف الخيل على القصه صاد
بس الصراحه احس في بكش شوي بس المهم اتسلينا بكلامكم
وسلامتكم


مع تحيات : بوتركـــــي

[علي العلي عاشق الغروب]

مشكوووووووووووووووووورين جدا على القصص الحلوه اختي سكر واخوي عاسف وبالفعل مواقف محرجه جدا والله يعين البنات اللي ينحطون في هذي المواقف واكيد هذي قمه الاحراج بس احلا شي في الموضوع انهم في الاخير يتزوجون والله يبارك للجميع ومع تمنياتي القلبيه للجميع بحياه زوجيه سعيدة

[soOokar]

الله يسلمكم إخواني أسير وعلي ومشكوووورين على مروركم (: