][*][ إهـــــــداء ][*][

[ღ شـوق ღ]

http://l000l.com/img/pic/sparkles.gif حــامد زيـــد http://l000l.com/img/pic/sparkles.gif
شاعر اكثر 00 اكثر من رائع

له طريقه خاصه (( ومميزه )) في كتابة الشعر

حامد ... يكتب عندما يقرأ افكارنا جميعاً

ونحن لا نقرأ نصوصه إلا عندما نغمض أعيننا للخيال

قصائده أحرفها معطره ونديه لكنها جامحه تلوح بمخالب

لا تجررح الجسد بل تدمي الذات


هذه مجموعة من قصائده اتمنى تعجبكم

و اهديها لكل من يحب شعره

http://l000l.com/img/pic/divider-04.gif


http://l000l.com/img/pic/SS115.jpg


ما بقى إلا سود الأيام تحرمك الرقاد
كيف الأوهام تجرى تسريك مغبون
من متى تجزع من الدمع و تخاف البعاد
من متى تقذي بك ظنون و تجيبك ظنون
صرت تاخذ كذبتي صدق و مزاحي وكاد
لو بقول اني بخونك تحسب اني بخون
ما تعرف ان كل شاعر يهيم بكل واد
و انهم دايم يقولون ما لا يفعلون
ابك انا لو قلت بنساك و انكرت الوداد
و الله اني ما نسيتك و لا هم يحزنون
من جزع من صفعة الشمس يطمع بالبراد
و من فقد وجهاته الخمس يلقابك ركون
اعتبرها هفوة انسان او كبوة جواد
لو بتسمح فانت غالي و لو تجرح تمون
عد صداتك مروه و طعنات ضماد
خلهن لا راحن طعون و لا ردن طعون
خنجرك يستاهل الطعن و متوني شداد
و منك يا زين الخناجر و يا بخت المتون
رد لي حنية المزح بحساس الجمال
خلنا واحد يجي صلب و الثاني حنون
موت فيني و اندفن فيك بثياب الحداد
و ان حييت اموت لرضاك و احيابك بهون
مره ارقد بالكفن و انت ترقد بالمهاد
ومره ارقد بالمهد و انت ترقد بالكفون
ادري ان شجونك شجون و عنادك عناد
و البلى ان عنادك عناد و شجونك شجون
ربك الي صخرك لي تقود و ما تقاد
و الله الخالق و لله في خلقه شؤون
ازرع ضلوعي من رضاك و ابشر بالحصاد
لعنبو من جيت ترضيه و ترد محزون
بس تسوى لك بلد قول تسوى لك بلاد
انت كل العالم بكون و لحالك بكون
ما بعد محبتك حب و مرادك مراد
غير كونك سيد حشاي تدري من تكون
نعمتين اختصو الخلق من جود الجواد
كافل الأرزاق من حيث ما لا تعلمون
البنون و نعمة المال في عيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صارو المال و انت و البنون
انتشي بك نشوة التيه لعناق الرشاد
و افزعلك فزعة القرم لشهاب الزبون
و احصنك تحصين الارزاق عن درب الفساد
و اعشقك عشق المظاليم لفراق السجون
لو تزيد الشوق جمره تحولني رماد
لو يزيد العشق شعره بوصل للجنون
خل هقواتك كبيره و نظراتك بعاد
كانك انت بكبرك تهون من الي ما يهون
ازعلك و ارهن حياتي تحت رحمة زناد
تهبا لا و الله الا انت و الموت تهبون
عاد اذا ما ارضاك هرجي و لا الي قلت فاد
إننا لله و إنا اليه راجعون
و انت باكر بتعرف على ناس جداد
و الكلام يجيك من كل شكل و كل لون
لا تحسب ان كل كلمة بتسمعها وكاد
و لا تصدق هرج شاعر و تخدعك الضنون
دايم اعرف كل شاعر يهيم بكل واد
و انهم دايم يقولون ما لا يفعلون
حتى انا الي قلت اعشقك و لا اطيق البعاد
يمكن اطلع ما عشقتك و لا هم يحزنون

http://www.movn.net/7amed_zeed/ma_la_yf3loon.ram

[ღ شـوق ღ]

http://l000l.com/img/pic/SS115 copy.jpg


مشكله لا جات حاجتك بيدين البخيل
مايفكك لين تدفع كثر ما يدفعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

ومشكله لاضاق بالوقت رجال ثقيل
يطلب زمانه وعيا زمانه ينفعه

ليت ربي مايحاسب خليل من خليل
دام ما للحظ فزعه وللوجه اقنعه

ودام ما للعذل تالي ومابالحيل حيل
الغلا سم نذوقه ومر نجرعه

نحتري فيه اللقا والحصيل هو الحصيل
مثل حلم ماتحقق وعييت اقطعه

كني اللي حط بشفاه من جمر المليل
لا قدر يرميه للناس وازرى يبلعه

والظروف اللي حدتني لنيران وفتيل
عرضت دمع المحاجر لشي يجزعه

والمدامع بالغلا لاتحال ولا تحيل
والمشاكل كل ماجات جات مجمعه

اعذلوني عن هوى النفس وعيوني تخيل
في حبيب ما تركته ولا زلت اتبعه

مغرم في حب مثله ولا ارضى له بديل
عيني تشوفه وقلبي يجوع ويشبعه

ذاك كل مازان بالي وطالعت النخيل
ماذكرت الا ثباته بوقت الزعزعه

ماهو الا قطعه من حشا قلب عليل
وماني الا قطعه منه مخلوق معه

لا جميل شفت قبله ولا بعده جميل
العذارى رهن رمشه وانا رهن اصبعه

والله انه لو طلبني طلوع المستحيل
لطلعه ..منيه ..مناك ..يعني لاطلعه

ماعلي من الملامه ولاهرج الهبيل
ما اشجع الرجال ولاثار غيره ما اشجعه

في عيون اللي عشقني ولاجاني هزيل
الله اللي حط عشقه بقلبي و ازرعه

لو سكت ينطق له الصم والدنيا تسيل
وان حكى كن اكثر المزن يوقف يسمعه

سلسبيل من شفاته يخالط سلسبيل
معمعه بسكات واحلى سكات بمعمعه

ماهقيت ان اكثر الليل يمرح بالجديل
لين شفته شوف عيني بكفه يرفعه

وان حييت وما بقالي معه ياكود ليل
لا سهره باول غروبه واموت بمطلعه

والله ان العشق جمره وطاحت بالشليل
وان حصل ماطاعك الوقت باحبابك طعه

ومنهو الي علم اعداي نكران الجميل ؟
ومنهو الي خان خلي وحاول يقنعه ؟

كل عاذل ردني عنك يالطرف الكحيل
ياعسى الله يقلعه .. ياعسى الله يقلعه

يامعرض قلب الاحباب للدرب الطويل
السعه لا بارك االله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم تعذلون خفاق بعيون العديل
مارحمتم نار جرحه وغيره مدمعه

والسوالف ليلها ليل والحايل يحيل
والمشاكل مشكله مشكله متجمعه

مشكله لا خانك الوقت بالحمل الثقيل
لو زرعت الزرع هوج العواصف يشلعه

ومشكله لا صار عاذلك مايبرد غليل
لا ترده طيب كلمه ولا حد يمنعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

[ღ شـوق ღ]

http://l000l.com/img/pic/shooq222.jpg


بعد ما قابلتني عاتبوها على شوف الحبايب حاسبوها
خذوها و ابعدوها غصب عني و عن وجهة طريقي جنبوها
و شالوها عن عيوني غصيبه عواذل و غصبوني و غصبوها
خذوها من يديني شوف عيني و عن عيني تعدو و حجبوها
كلام و صدقو بالبنت كذبه و هم الي من اول كذبوها
وهم وش دخلهم في مال بيي لبوها و الخلايق طالبوها
وفيه ما تخون و لا تعاند جسوره و المواعيد ارعبوها
ملاك كاملة و الكامل الله و لكن العواذل عذربوها
وهي كل ما دعتني تشتكيلي عن الي سالفتنا سربوها
تخاف و تلتفت مع كل كلمه تظن ان العواذل راقبوها
تلفت من عقب ما هي جريئة شجاعة ما تهاب و هيبوها
و اهديها و أنا حاير و ثاير مصيبة يا عذابٍ عذبوها
و هم كل ما خذوها عن طريقيترتراهم صوب قلبي قربوها
و انا ما تعبت قلبي خيانة خيانة رتبوها و حسبوها
و لا يعجز خفوقي لا يقابلجفا من حاربوه و حاربوها
و انا لي عزة تفرض عليا اخاطب بالجفا من خاطبوها
و اكسر لوحة الماضي و ازيله و اخربها مثل ما خربوها
و اذوقهم ندم ما صار فيها و اشربهم من الي شربوها
و دلعها و ولعها بنفسي و اشرقها بعد ما غربوها
و اعوضها عن الي راح كله و عن ذيك اليالي كل ابوها
غلاها بالحشا لا زال ثابت و لو حتى بغيري حببوها
و غلاي بقلبها مر و تعدى غلاها لمها و لا لبوها

[ღ شـوق ღ]

http://l000l.com/img/pic/shooq552 copy.jpg


اسمعي و الكل منا له هواه و له ميوله
لا تمسين بكلامك شعره بروس القرايب
أن حكيتي ما وفيتي و ان تحديتي عجوله
تحسبين ان كل فعلٍ تفعله يمناك صايب
تحسبين انك خذيتي بالحشا صولة و جولة
تحسبين أني ذكرتك مع نسانيس الهبايب
و الله أنك لو ذبحتي خافقي للقاك حوله
عاشقه تشقى بقلبٍ من طريق العشق هايب
كم رضيت اسكت عليك من القهر و انتي زعوله
خايف اضحك و استفزك و اهجرك و اعيش ذايب
ادعيتي انك خجوله و ادري ان منتي خجوله
و ادري انك تخجلين الشمس من فوق السحايب
ما يحببني بقلبك يالهنوف الا فضوله
و ما ينسيني غرامك غير تكرار المصايب
عاشقه جيتي و رحتي يالحبيبه يا لعذوله
ما بنيتيلي طموح و لا تركتيها خرايب
تستبيحين القلوب و تستحقين البطوله
و استحق اعيش بعدك تايب و اموت تايب
يا كثر ما شال قلبي شي اكبر من حموله
و لا عفيتي عن غلاه و لا بخلك بالوهايب
كنه ارحم من همال المزن للزهر بذبوله
و أنتي أقسى من سموم القيض و كفوف الهايب
و أنتي أدرى في غلاك بداخلي شالي يزوله
و ادخلي دخله على الله و احفظي ذيك السبايب
ما خبرت اللحظه الي حللت قربك تحوله
و لا هقيت اني بشدد للجفا قلب و ركايب
و ما هقيت انك تحبين الزلل و انتي جفوله
و ما هقيتك تكرهيني كثر حبك للطلايب
كن قلبي في وصالك وابلٍ لحظه نزوله
و في فراقك مثل دمعة تنحدر من عين شايب
كنت ابي وقفة حبيبه تنهض القلب بخموله
طامحٍ بالعشق و انتي عايبه و الحظ عايب
كنت غصنٍ كل كفٍ غير كفك ما يطوله
كنت درب و دمعتين و قلب و جروحٍ عطايب
كنت ابيع العمر كله و ارخصه عرضه و طوله
للعيون الي هدبها ثامن السبع العجايب
بس برضي لك غرورك و اكسر القلب بذهوله
وقتها ما كنت افكر صايبٍ أو كنت خايب
و الرجل لو ما تحلى بالشهامة و الرجولة
صدقيني صعب يقدر يملك قلوب الحبايب
صدقيني ما يوالف خافق البنت بسهولة
بالهوى يا بنت حواء غير طلاب النشايب
و السهر والعشق الأول و الهوى و الي ينوله
شي أقسى من همومك و العنا حاضر و غايب
و الهموم الي دعتني من بعد سن الطفوله
كلها من تحت راس العشق ملعون الصلايب

[ღ شـوق ღ]

http://l000l.com/img/pic/SS115 .jpg


ضاقت وساع الفيافي والوعد متن السفينة
للطريق الي دعاني .. بعد امان الله وامانة

لاتناديني .. وصوني قلبك الله لايهينه
لايراهن في رجوعي .. لجل مايخسر رهانه

ليه ماارحل عن غرامك بعد ماذقت الغبينة
اذكري لي شي واحد يستحق اقعد عشانه

قلب ماحن لوصالي ماني بحاجه حنينه
واشهد انه مايعزل بلرفيع الا هوانه

الهوى الغدار حد الله مابيني وبينه
والرجل لاخير فيه ان ماحفظ قدره وصانه

واحدا َ مثلي اليا متى حدته عوجا سنينة
ماشكى لاقرب ابن ادم لو هو اغلى من اخوانه

يوم قلبي ماعصاك وماقدرتي تذبحينه
ليه خنتي فيه وانتي معه من نفس الديانه

كان ذبحي بيدك ارحم لي من الي تفعلينه
وان طلبتك تذبحيني ماذبحتيني لعانه !

كل جرح من جروحي تذكرينه .. تنكرينه
كن مالك في نزيفه يد خانت بلأمانه

ينزع الخافق تواضع لين لطختي جبينه
والا انا ما كنت ابيها توصل الى حد الاهانه

قلت من باب الميانه صاحبك وتعذبينه
لعنابوك ارخي معاي اشوي ماصارت ميانه!

طعت عقلك يوم قالوا ان العقل للبنت زينه
لكن الشرهه علي ان كنت احسبك انك اتكانه ..

من بعد ماكنتي انتي في حشاي اغلى سجينه
بوعدك .. بطلق سراحك واتهمني بلأدانه !

وين رايح ؟ لأي درب مايرجع للمدينة ..
ليه رايح ؟ لان قلبك ماترك قلبي وشانه

كيف ابنسى ؟ ربي الي ملهم القلب السكينة
مثل ماعانى بقربك .. لا نوى فرقاك عانى

كان قاسي يجرح اطراف السكاكين السنينه
مايطيح وبنت مثلك حبها هزت كيانه

والا انا خابر خفوقي مايمد الا الثمينة
وان بغى يغيض الثريا قعد القمرا وزانه

مزعلا َ لجلك هنوفا َ رجت عقولا َ رزينة
وان تهادت بالطريق الجرهدي تزهر جنانه

جادلا َ كن الجمال اقبالها كتف إدينه
والقمر لو شاورت له ينزح وتقعد مكانه

كانت اول من تحكم في فروع الياسمينه
وان تعدتهن تثنن .. خيزرانه .. خيزرانه ..

بعتها لجلك وصارت لأصغر اطرافك رهينه
والا هي لفته هدبها تغمرك ثقل ورزانه

والخفوق الي تغذى من معزه والدينه
مشكلته انه تعلق في زمن ماهو زمانه

كل مازادت جراحه واكتشف غلطة ضنينه
صدقية ان قال مابه شخص يستاهل حنانه

يوم نادى يافلانة مارضيتي تسمعينه
لين صوت يافلانه .. يافلانه .. يافلانه

كنت اشوفك زعفرانه تقرض الورد وتدينه
يمكن اني ماقطفتك بس اشوفك زعفرانه

كنت اهاب البعد عنك واطلبك لاتذكرينة
كان خوفي من الفراق وخطوه الفرقا جبانه

ماقتنعت ان الخيانه للرجل تلوي يمينه
لين ماربي بعثك وذقت من طعم الخيانه

اسمحي لي مابقى لي فيني ماكان تطعنينه
واقبلي من جوف قلبي كل عطفه وامتنانه

الله الله في عذابك .. ابتركك عينك بعينه
دلليه ولايردك عن شقاك الا لسانه

والا انا.. قررت اسافر وامتطي ظهر السفينة
لانه مابه شي واحد يستحق اقعد عشانه

[ღ شـوق ღ]

http://l000l.com/img/pic/shooq552.jpg


ما تقبلت الفراق و ما ليدي فيه حيله
آه لو أن الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها
ما هقيت الليلة الي جابت الفرقا طويله
لين صارت ليلة أمس بعيني اطول من شهرها
و العذاب الي يذوب بعين من يفقد خليله
عندي أكبر من عذاب العين لو تفقد نظرها
و الحبيب الي صدوده مثل مداته جزيله
صد عني و اعرفه لا صد عن حاجه هجرها
كن روحي يوم حست في جفاه و صعب نيله
بشرتني بالضياع و شدة العزم لسفرها
ما رحمها من هلاك و ما تقبلها دخيله
تحتضر قدام عينه لين ماتت من قهرها
عاد ليت الي ذبحها و ارهب الموت بوسيلة
ما دفن وجه الضحية و السكاكين بنحرها
ليت قلبه يوم طاوع فعلته كمل جميلة
لو غسلها من عروقه و بكفن صدرة قبرها
من حفر بضلوع قلبه حفرة تكفي قتيله
ليه ما يدفن قتيله بالضلوع الي حفرها
اشتكيته للرفوف و للبراويز الهزيله
و انذعرت من النياح الي سمعته في صورها
رحت اسولف للجبال الصم عن قصة رحيله
ما تركت متونه الا ينحت الدمع بصخرها
و احدٍ حقق جماله كذب أساطير ألف ليلة
يسكن السبع البحور و يحبس الحور بدررها
الدروب بكبرياها ترتجف تحته ذليلة
و الورود الي تقبل خطوته تنبت باثرها
و الغصون لا بغاها تنثني له تنثني له
و الفياض أن حب ينثر عطرها يلمس زهرها
لو يصوت للغدير المنجرف جفف سبيله
و ان تبسم للجبال الصامته نطق حجرها
كل حاجه تستوي له لو بغاها تستوي له
بالنظر و استغفر الله لو بقول انه سحرها
ذاك لو بس يتمنى فاكهة شجرة ضليله
بس يفتح راحة ايده و يتساقط له ثمرها
كن ربي سخرله المعجزات المستحيله
و أصبح أسطورة و كل الألسنة تنقل خبرها
هان محجر دمع عيني لين جفف سلسبيله
و التفت لاخير دمعه قبلة يده و نثرها
دمعةٍ كن بشقاها يوم طاحت في شليله
جادلٍ جات بدويٍ تطلب الستر و سترها
له علي أنه ليامن طاح من عيني تشيله
و لي عليه أنه يرجع لإبتساماتي ثغرها
لو طعوني بالسكاكين بيده تشفي غليله
بشتريها من عذابي و أدفع بدمي مهرها
و أطلبه ينهال فيني طعن لين يطيح حيله
بس لا يترك عيوني تنحرم نعمة بصرها
له بعيني مثل ما للطهر بالنفس الأصيلة
تقطع يدين الردى لو مس شعره من شعرها
ما بغيته غير درب و شتت أقدام الدليلة
مزنةٍ ما بللتني و استحيت اطلب مطرها
و العطايا من يدين الخلق للطالب قليلة
و الوهايب من يد الله للعباد اجل و ارها
و ان نسيت اني زرعت العشق و حظوظي بخيلة
ما نسيت أن العطايا تستحق الي شكرها
صعب تلقى شخص وافي يجزي الطيب بمثيله
و العرب قد قالو أن الناس ما خلت قشرها

[ღ شـوق ღ]

http://l000l.com/img/pic/shooq5556.jpg


على ذاك الطريق الي يسمونه غرام احباب
وطت رجلي على دربه و لا ادري وش نوى فيني
تبعته لاخر دروبه الين ان القمر قد غاب
تعب قلبي و لا تعبت مسافات توديني
لقيت الليلة الجرداء هدب ظل و سما و اعشاب
بعد ذاك الظلام الي يتوهني عناويني
صدفتك معجبه فيني و ياليت الغرام اعجاب
و تراك انتي الهنوف الي هقيتك تستحقيني
عطيتك عشق من قلبي و سلمت لغلاك ارقاب
و غيرك يحترق قلبه و لا يقدر يحاكيني
انا قبلك صدفة عيون لكن وش جاب لجاب
ترى كل العيون الي لقتني ما تكفيني
رماني حظي العاثر عليك و جيت لك طلاب
و لا انتي الي عشقتيني و لا انتي الي عتقتيني
تعالي و ارحمي ذاك الخفوق المولع المرتاب
مو لجلي عشان الله يجازيك و يجازيني
تعدي في سما عشقي و لو عشقي خراب اصحاب
و صوني بالهوى نفسك قبل لانتي تصونيني
و شيليني على متنك خفوقٍ باريٍ منصاب
و من فوق الغرام العذب شيليني و حطيني
و لا منك هقيتيني شجاع و ما يطيق يهاب
انا لك بالهوى و الله مثل ما انتي هقيتيني
انا ممشي ورا غيرك و لو انه يطق الباب
و ترى عيب علي اطعن و لو كثرة سكاكيني
زهود ما يطيق الدم لا داين و لا طلاب
شجاع و عارف نفسي و اظن انك تعرفيني
غيور ما عرفت اضحك مع الغدر ببرود اعصاب
ابيع عيوني اثنتين قبل انك تخونيني
و اذا شد الغرام احد قلبي بين ناب و ناب
لفرقا تكسر ضلوعي و لا عشق يوطيني
انا رجل و لي غيره و اذا شفت الهوى كذاب
تثور بقلبي الفزعة و لا تهدى شياطيني
سؤالك لو يزعزع بي كياني ما قبلت عتاب
اجيلك و اسالك نفس السؤال الي سألتيني
عن العشق القديم ابواب و تقفيها كثير ابواب
بعد ذاك الحبيب الي خدعني و انخدع فيني
ابي عشق تحسب له كل نظرات العيون حساب
و ابي قلب على قلبي و ابي دين على ديني
و ابي كلمة عهد توفي و لا تخلف بدون اسباب
و ابي منك قبل لانتي تصديني توديني
و ابي دربٍ على العذال صعب و متعب و غلاب
و ابي نفس الطريق الصعب يبعدهم و يدنيني
ترى لو للقلوب عيون و لدموع العيون اهداب
حشا ما تنزل الدمعة لغيرك لو تركتيني
انا اول من عرف قدرك و انا توي صغير و شاب
و ابي منك مدام انك عرفتيني تحبيني
مدام اني لقيتك في طريق اسمه غرام احباب
دخيل الله و بعد الله دخيلك لا تخليني
مدام ان كل من يحيى على وجه التراب تراب
عسى تنساني الدنيا مدام انتي ذكرتيني

http://l000l.com/img/pic/divider-04.gif

تحياااااااتي للجميع

http://l000l.com/img/pic/glitt7.gif

[مـ ـ ـعـ ـ ـك]

مـــشـــكور أختي شــــوق على الاهــــــداء ألف شــــــكر ..... يعطيك الف عافيه ... تنســيق جميل

ورااااائع لصياغة القصــائد .... بارك الله فيك اختي شـــوق .....

[ღ شـوق ღ]

العفوووو .. معك

الله يعافيك و مشكووور على مشاركتك

سعيده ان الإهداء كان على ذوقك و انشاء الله يعجب الجميع

تحيااااااتي لك

http://l000l.com/img/pic/glitt7.gif

[آبعــآد]

انت الذي من بدت الناس سيطرت
..................وانـت الـذي تسكـن بقلبـي وبالـي
وانت الذي في حبك اليوم ابحـرت
................وترميني امواجك يميـن وشمالـي
وانا الذي في مركب الحب غادرت
.................وسلمت لك روحي ومالي وحالـي
سلمـت لـك قلبـي ولاظـن قصـرت
..................وغيرك يموت بغيض ماله مجالي

يسلموووووووووووووووووووو وووووو اريج المنتدى كعادتهاان غابت طلعت وإن طلعت ابدعت ابداع ولا احلى منك الا انتي تحياتي لك حبيب البي

عسي تنساني الدنيامدام انتي ذكرتيني

[ღ شـوق ღ]

أبعـــــــــاد

اعذرني فليس لي حروفا

بعد حروفك سوى الشكر

تسلم علـى هـذا الحضـور

الـذي زاد مـن جمـال الموضوع

تشرفـت بــردك .. كلك ذوووق

دمـــــــت ودام تــــواجــــدك

تحيااااتي لك


http://l000l.com/img/pic/glitt7.gif

[عضو محذوف]

السلام عليكم ورحمه الله

يقف لساني ويجف قلمي اذا جئت عند هذا الاهداء

اوحاولت الرد عليه لاشك في ذوقك الرفيع علامه



تقبل خالص تحياتي

(13)

[ღ شـوق ღ]

الــمارد

اشكرك على مشاركتك ... كلك ذوووق

تحيااااااتي لك

http://l000l.com/img/pic/glitt7.gif

[علي العلي عاشق الغروب]

تسلمي اخت شوق على اهدائك ودائما تحرجينا برقه اسلوبك واختياراتك الرائعه لمواضيعك وذوقك وانا بكل امانه اعتبر نفسي تلميذ في بحر علمك اخت شوق......الله يعطيكي الف عافيه

[ღ شـوق ღ]

يسلموووو اخوي علي

على مشاركتك الي اسعدتني ... يعطيك العافية .. كلك ذوووق

تحياااااااتي لك

http://l000l.com/img/pic/glitt7.gif